Bir aydan çox evdə olmayan abunəçi məlumat verməlidir - “Azəriqaz”

“Azərbaycanda bir aydan çox evdə olmayan abunəçi “Azəriqaz”a bu barədə məlumat verməlidir”.

Teleqraf.com xəbər verir ki, bunu "Açıq qapı" aksiyasında Dövlət Neft Şirkəti (SOCAR) “Azəriqaz” İstehsalat Birliyi Hüquq Departamentinin rəisi Vüqar Eyvazov deyib.

Birlik rəsmisi bunu təhlükəsizliklə izah edib.

Qurumun Bakı Regional Qazın Satışı Departamentinin rəisi Zamin Mehrəliyev isə bildirib ki, “Smartcard” tipli sayğacların mexaniki sayğaclarla dəyişdirilməsi yaranan borcla bağlıdır: “Sayğaca baxış keçirildiyi zaman orada onun düz işləmədiyi görünürsə, təchizatçının üzərinə onu dəyişdirmək düşür. Bu, Nazirlər Kabinetinin 2011-ci ildə təsdiqlədiyi 80 saylı qərarında da göstərilib”.