Azərbaycanda "Əziz Səncər" elm festivalı keçiriləcək

Azərbaycanda apreldə "Texnofest" festivalına bənzər "Əziz Səncər" elm festivalı həyata keçirmək istəyirik. Festival məktəb, lisey və universitetlər arasında təşkil olunacaq.

Bu sözləri Teleqraf.com-a açıqlamasında Türkiyənin Yunus Əmrə İnstitutunun Bakı nümayəndəliyinin rəhbəri Səlcuq Karakılıç deyib.

Onun sözlərinə görə, ümumilikdə, 40 yeniyetmə iştirak edəcək: "Onlara "Sizə dəstək olsaydıq, həyatda nə etmək istərdiniz?" sualı ünvanlayacaq və alacağımız cavaba görə kömək edəcəyik. Bildirsələr ki, helikopter hazırlamaq istəyirik, onlara texniki avadanlıqları təqdim edəcəyik və mühəndisin köməyi ilə dörd ay ərzində arzularını həyata keçirmələri üçün dəstək olacağıq.

Bununla məqsədimiz şagird və tələbəyə arzusunu həyata keçirmək imkanı vermək və özgüvənli olmaqlarına yardım etməkdir".