Həkimlərin maaşının artırılması üçün xüsusi mexanizm hazırlanır

Səhiyyə sistemində çalışan həkimlərin maaş artımı nəzərdə tutulur.

Teleqraf.com xəbər verir ki, bunu jurnalistlərə açıqlamasında Səhiyyə naziri Teymur Musayev deyib.

Onun sözlərinə görə, həkimlərin maaş artımı bağlı xüsusi mexanizmlər hazırlanacaq və ictimaiyyətə açıqlanacaq.

Nazir qeyd edib ki, Səhiyyə Nazirliyi İTSDA ilə birlikdə Azərbaycan regionlarında həkim, tibb işçilərinin çatışmazlığı ilə bağlı xüsusi proqram hazırlayır:

"Proqram çərçivəsində müəyyən mexanizmlər işlənilib təklif oluncaq. Nəinki gənc, hətta peşəkar, təcrübəsi olan həkimlərimiz regionlarda xalqımıza xidmət göstərəcək".