Bakıda “Şuşa, sən azadsan” adlı konsert

Rəşid Behbudov adına Mahnı teatrında “Şuşa, sən azadsan” adlı konsert proqramı təşkil olunub. Tədbirdə Nəsimi rayon İcra Hakimiyyətinin məsul əməkdaşları, şəhid ailələri, qazilər, pedaqoji işçilər və tələbələr iştirak ediblər.

Nəsimi rayon İcra Hakimiyyəti başçısı Asif Əsgərov 44 günlük Vətən müharibəsi haqqında geniş çıxış edib.

Daha sonra qazi müəllim İdris Hüseynov, tələbələrdən Əzizbəy Muradov və Nicat Mənsimova Rayon İcra Hakimiyyəti tərəfindən hədiyyələr təqdim olunub.

Həmçinin Səid Rüstəmovun 115 illiyinə həsr edilmiş müsabiqədə birinci yerin qalibləri Adəm Qurbanov, Fateh Şıxəliyev, Kəmalə İsakova, Mehdi Sadıqzadə və Ayxan Bəliyarlı mükafatlandırılıblar.

Tələbələr vətənə aid şer, mahnı və kompazisiyalar təqdim edərək maraqlı, rəngarəng ifalarla çıxışlar ediblər.

Tədbirin sonunda xatirə şəkilləri çəkilib.