5 İyul 17:09
12 Punto 14 Punto 16 Punto 18 Punto

Bu gün Balakən rayonunda qurulan növbəti “Səyyar qəbul otağı”nda rayon sakinləri qaz təchizatı ilə bağlı öz təklif və suallarını səsləndiriblər.

Bu barədə Teleqraf.com-a SOCAR “Azəriqaz” İstehsalat Birliyindən məlumat verilib.

Vətəndaşlar üzləşdikləri çətinliklərdən söz açaraq, əsasən qaz sayğacının quraşdırılması, yaşayış məntəqəsinin və fərdi yaşayış evlərinin qazlaşdırılmasına köməklik göstərilməsini xahiş ediblər. Ünvanlanan hər bir müraciət Zaqatala Regional qaz istismarı İdarəsinin və Birliyin İdarəetmə aparatının məsul şəxsləri tərəfindən qeydə alınıb və lazımi izahatlar verilib.

Qeyd edək ki, "Açıq mikrofon" aksiyası bu həftənin 3-cü günü Qax rayonunda, 4-cü günü Oğuz rayonunda, 5-ci günü isə Zaqatala rayonunda keçiriləcək.


Müəllif: Yeganə Oqtayqızı