Neftçala sakinləri qazla bağlı problemlərini “Açıq mikrofon”a danışdı

SOCAR "Azəriqaz" İstehsalat Birliyinin növbəti “Açıq mikrofon” aksiyası Neftçala rayonunda yaşayan sakinlər üçün keçirilib.

Teleqraf.com Birliyə istinadən xəbər verir ki, müştəri məmnuniyyətinin qorunması istiqamətində keçirilən tədbirdə təbii qazdan istifadə edən istehlakçılar onları maraqlandıran suallarına cavab tapıblar.

Qaz sayğacının quraşdırılması, fərdi qazlaşdırma, qaz kəmərinin yerinin dəyişdirilməsi və s. kimi suallar ünvanlayan sakinlərin hər birinin müraciəti aksiyada iştirak edən Birlik nümayəndələri tərəfindən qeydə alınıb.
Qeyd edək ki, növbəti aksiya avqustun 3-də Şirvan şəhərində keçiriləcək.