7 Avqust 2022 14:10
962
12 Punto 14 Punto 16 Punto 18 Punto

Dərimizdəki ləkələrdən və zədələrdən xilas olmaq üçün bir çox üsulları sınayırıq. Xüsusilə qırışlara qarşı kremlərdən çox istifadə edirik. Bu vasitələr isə dəridə qocalmaya səbəb olur.

Teleqraf.com xəbər verir ki, üzünüzdə qocalmanı dayandırmaq və dərini canlı saxlamaq üçün buz masajı edin.

Üzdə buz gəzdirmək qan damarlarınızı daraldır və iltihabı sakitləşdirir. Qan axını yaxşılaşdırır və dərinizi parlaq edir. Həmçinin həddindən artıq yağ ifrazına mane olmaqla qızartı və iltihabı azaltmağa kömək edir.

Üzə mütəmadi olaraq buz masajı etmək, genişlənmiş damarları daraldaraq şişkinliyi azaldır. Beləliklə, göz altındakı şişkinlikdən qurtulmağa kömək edir. Buzun soyuqluğu dəridəki məsamələri sıxmağa kömək edir və qırışlar və incə xəttlər kimi qocalma əlamətlərinin görünüşünü məhdudlaşdırır, dəriniz daha möhkəm və gənc görünür.

Günən yanıqlarıa qarşı dərinizi sakitləşdirir, yaranan qızartı və iltihabı aradan qaldırmağa kömək edir.


Müəllif: Aysel Azad