Tələbələrin fotomüsabiqəsi keçiriləcək

Oksfam Beynəlxalaq Humanitar Təşkilatının Azərbaycan Nümayəndəliyi Telebe.Az portalı ilə birgə 2014-cü il dekabrın 4-dan 2015-ci il yanvarın 10-dək dövlət və özəl ali məktəb tələbələri arasında fotomüsabiqə elan edir.

Oksfam Beynəlxalaq Humanitar Təşkilatının Azərbaycan nümayəndəliyindən Teleqraf.com-a verilən məlumata görə, müsabiqə Oksfam-Azərbaycanın həyata keçirdiyi layihələrin mövzularını əhatə edəcəkdir. Müsabiqədə 3 mövzu əhatə olunacaq və hər iştirakçı yalnız bir mövzu üçün bir foto təqdim edə bilər. İştirak üçün yaş və ixtisas məhdudiyyəti yoxdur.

Tələbələr müsabiqəyə buradan http://telebe.az/oxfam/ qatıla bilər.

Mövzular bunlardır: Azərbaycanda kənd yerlərinin inkişafı layihəsi üzrə - “Kəndimizi tanıyaq- İnkişaf edək!”; Azərbaycanda ərzaq təhlükəsizliyinin təkmilləşdirilməsi üzrə milli strategiyanın hazırlanması layihəsi üzrə - “Sağlam qidalanma və sağlıqlı ərzaqlar”; Gender proqramları üzrə - “Kənd təsərrüfatında qadının rolu”

Şərtlərə görə, Yalnız qeyd olunan mövzular çərçivəsində çəkilmiş fotolar qəbul olunacaq; Fotolar jpeg formatında 2 meqabayt- dan yuxarı ölçüdə olmalıdır; Fotolar peşəkar fotoaparat, planşet və yaxud telefonla çəkilə bilər; Müsabiqədədə yalnız tələbələr iştirak edə bilər; İnternetdən götürülmüş və ya müəlliflik hüququ pozulmuş fotolar müsabiqəyə buraxılmayacaq; Müsabiqəyə buraxılan bütün fotolar Oxfam in Azerbaijan Facebook səhifəsində yerləşdiriləcək; Müsabiqəyə təqdim olunan fotoların fotoşop ofis proqramında işlənməsi qadağandır.

Müvafiq olaraq, 1-ci, 2-ci və 3-cü yeri tutanlara qiymətli hədiyyələr veriləcək.

I yer – LG Smartfon;

II yer- Alcatel Smartfon;

III yer- e-book;

Qaliblər münsiflər heyəti tərəfindən seçiləcək.

NİGAR