İngiltərədə səhiyyə sistemi çöküb: Telefonla diaqnoz qoyulur - İttiham

Bir müddətdir İngiltərədə yaşayan Yeşilcamın məşhur kino aktrisası Suna Yıldızoğlu ölkədəki səhiyyə sistemi ilə bağlı təəccüblü açıqlamalar verib.

Teleqraf.com xəbər verir ki, Yıldızoğlu İngiltərə səhiyyə sistemini sərt tənqid edib.

Aktrisa sosial media hesabında vətəndaşlara diqqətli olmaq və xəstələnməmək barədə xəbərdarlıq edib. O, əks halda həkimlərin laqeydliyi ucbatından ölə biləcəklərini də vurğulayıb.

"İngiltərədə xəstələnməyin. Ailə həkimləri telefonla diaqnoz qoyurlar. Xəstəxanalar doludur. Xəstə olanlar, diaqnoz qoyulmayanlar və müalicə olunmayanlar ölür. Səhiyyə sistemi çöküb”.