Volodin bu gün Azərbaycana səfər edəcək

Rusiya Federasiyası Dövlət Dumasının sədri Vyaçeslav Volodin bu gün Azərbaycana rəsmi səfərə gələcək.

Teleqraf.com xəbər verir ki, bu barədə Dövlət Dumasının saytında məlumat verilib.

Səfər zamanı onun Milli Məclisin rəhbərliyi ilə görüşü nəzərdə tutulub.

Xatırladaq ki, 2020-ci il sentyabrın 23-də Moskvada Dövlət Dumasının sədri Vyaçeslav Volodin ilə Milli Məclisin sədri Sahibə Qafarova arasında görüş keçirilib.O, daha əvvəl 2018-ci il iyunun 24-25-də Azərbaycanda rəsmi səfərdə olub.