27 Sentyabr 21:46
294
12 Punto 14 Punto 16 Punto 18 Punto

Sentyabrın 12-də Ermənistanın sərhəddə törətdiyi təxribat nəticəsində şəhid olan Abdullaye Elvin Elçin oğlu dəfn olunub.

Teleqraf.com xəbər verir ki, 14 gündür itkin düşən şəhidin nəşi doğulduğu Neftçala rayonunun Bankə qəsəbəsinə gətiriləndən sonra yaşadığı evində vida mərasimi keçirilib.

Daha sonra 19 yaşlı şəhid Abdullayev Elvin Elçin oğlu rayonun Şəhidlər Xiyabanında torpağa tapşırılıb.

Xatırladaq ki, sentyabrın 12-də gecə saatlarında Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib. Bu əməllərin qarşısının dərhal alınması məqsədilə Azərbaycan Ordusunun bölmələri tərəfindən görülən təxirəsalınmaz tədbirlər nəticəsində döyüş toqquşması baş verib. Nəticədə Azərbaycan Ordusunun şəxsi heyət arasında itkilər var, hərbi infrastruktura ziyan dəyib. Təxribata cavab nəticəsində ilkin məlumata görə, Ermənistan tərəfi 150-200 hərbçi itirib, yaralıların sayı bundan bir neçə dəfə çoxdur.


Müəllif: Teleqraf.com