Fillər proqramdan çıxarılıb - Səbəb

"Bakı Dövlət Sirkinin bu ilki proqramında dəyişiklik olub. "Fil və dostları" adlı proqramı şoudan çıxarmışıq".

Teleqraf.com xəbər verir ki, bunu sirk ustası və təşkilatçı Allahverdi İsrafilov deyib.

O bildirib ki, Rusiya sərhədində olan gərginliklə əlaqədar fillərin Azərbaycana gətirilməsi mümkünsüz olub. Ona görə də filə aid hissə proqramdan çıxarılıb.

"Fillərin gətirilməməsi sərhəd problemidir. Fillərin yerinə cigitlərin, atların ansamblı olacaq. Milli rəqslərimiz təqdim olunacaq" - o deyib.