Bəzi avropalı siyasətbazlar görsünlər ki... - Millət vəkilindən sərt sözlər

“Bu günlərdə Avropadakı bəzi siyasətbazlar həqiqəti əks etdirən sözlər danışmır, yalnız ermənipərəst mövqe tuturlar, Azərbaycana şər atırlar”.

Teleqraf.com xəbər verir ki, bunu parlamentdə çıxışı zamanı deputat Musa Quliyev bildirib.

O xatırladıb ki, əslində reallıqdan kənar çıxışlar etmək yeni bir şey deyil, Azərbaycan uzun illər bunu müşahidə edib:

“Həqiqət odur ki, bu gün - 11 oktyabrda ermənilərin törətdiyi Gəncə terrorunun ikinci ildönümüdür. Gəncədə dinc sakinlər öldürülüb, yaralanıb. Avropada olan siyasətbazlar bunları götürsünlər, eşitsinlər və bundan sonra da erməni terrorunun yanında durub-durmayacaqlarını müəyyən etsinlər”.

“Əlbəttə, biz terrorun bütün növlərini pisləyirik. Xocalı soyqrımı, Edilli faciəsi, Bərdə, Tərtər və Gəncənin dinc sakinlərinin raket atəşinə tutulması terror deyil bəs nədir?..”, - deputat qeyd edib.