"Azad edilən ərazilərdə məktəblər növbəti tədris ilində istifadəyə verilə bilər" - Nazir

"Azad edilən ərazilərdə tikilən yeni məktəblər növbəti tədris ilində istifadəyə verilə bilər".

Teleqraf.com xəbər verir ki, bunu elm və təhsil naziri Emin Əmrullayev AzTV-nin canlı yayımında deyib.

Nazir bildirib ki, Şuşada yeni məktəbin tikintisi yekunlaşmaq üzrədir, bu tədris mövsümünün sonu işlər tamamlanmalıdır. Həmçinin Ağdamda 1 saylı orta məktəbin də tikintisi yekunlaşır:

"Hər iki məktəb növbəti tədris ilindən istifadəyə veriləcək. Azad edilən ərazilərdə fəaliyyət göstərən dövlət qurumlarının nümayəndələrinin ailələri məktəblər fəaliyyətə başladıqdan sonra həmin yerlərdə yaşaya bilər. Əhali oraya köçürüldükcə, bu məktəblər də istifadəyə veriləcək".