Məscidlərdə ümummilli liderin xatirəsi yad edilib

Bu gün Azərbaycan xalqının ulu öndəri Heydər Əliyevi anım günündə Qafqaz Müsəlmanları İdarəsinin tabeliyində olan məscidlərin hamısında ümummilli liderin xatirəsi yad edilib.

QMİ-nin mətbuat xidmətindən Teleqraf.com-a verilən məlumata görə, mərhumun ruhuna Allahdan rəhmət diləyiblər, dualar ediblər.

Cümə namazı zamanı moizələrdə Heydər Əliyev şəxsiyyətinin Azərbaycan xalqının xilaskarı olaraq misilsiz fəaliyyəti, habelə milli-mənəvi və dini dəyərlərinə ehtiram və qayğısı xüsusi vurğulanıb. Dindarlar bünövrəsi ulu öndər Heydər Əliyev tərəfindən qoyulmuş və dövlət başçısı İlham Əliyev tərəfindən inkişaf etdirilən milli-mənəvi, dini dəyərlərə, multikulturalizm ideyalarına ehtiram və qayğının davamlı olması üçün dualar ediblər.

Ulu öndərin əziz xatirəsinə bütün məscidlərdə ehsan mərasimləri olub. Eyni zamanda, QMİ-nin Gürcüstan, Türkiyə, Rusiya və İrandakı nümayəndəliklərində də ulu öndəri anma mərasimləri keçirilib.

BƏXTİYAR