Zorən gender bərabərliyi təmin etmək istəmədik, çünki… - Zahid Oruc

Siyasi partiyalarda qadınları siyasi proseslərə cəlb etmək üçün kvotalar qoyulub. Lakin biz bunu qanunda təsbit etmək, zorən gender bərabərliyini təmin etmək istmədik. Bunu zorən etsək, partiyaları mexaniki bir prosesə qoşmuş olacağıq.

Teleqraf.com xəbər verir ki, bunu Milli Məclisin İnsan hüquqları komitəsinin sədri Zahid Oruc “Siyasi partiyalar haqqında” qanun layihəsi ilə bağlı mətbuat konfransında deyib.

Milli Məclis sədrinin birinci müavini Əli Hüseynli isə bildirib ki, qanun layihəsi konsensus əsasında hazırlandığı üçün siyasi partiyalarda qadınlarla bağlı müddə daxil edilməyib.