8 Dekabr 2022 21:27
594
12 Punto 14 Punto 16 Punto 18 Punto

Ukrayna Azərbaycanlıları Birləşmiş Diasporunun sədri Hikmət Cavad İranda geniş vüsət alan etirazlar fonunda Güney Azərbaycanla bağlı marş yazıb.

Teleqraf.com xəbər verir ki, bu barədə Hikmət Cavadın özü sosial şəbəkədə məlumat verib.

“Aylardır İranda başlayan etirazlar hər gün daha da qızışır, yeni mərhələyə qədəm qoyur. Bu etirazlarda öz fəallıqları ilə seçilən güneyli azərbaycanlıların taleyi bizi hər zaman düşündürür. Hər gün Arazın o tayından - Güneydən aldığımız xəbərlər 40 milyonluq soydaşlarımızın azadlığını daha da yaxınlaşdırır. Bu marş azadlıq tələb edən soydaşlarımıza bir stimul olsun. Güneydə qəlbləri azadlıq atəşi ilə yanan əziz bacı və qardaşlarımızın İran zülmündən qurtulması üçün apardıqları bu müqəddəs və şərəfli haqq mübarizəsində dünya azərbaycanlıları da aktiv olmalı və birlik nümayiş etməlidirlər. Ən yaxın zamanda BÜTOVLƏŞƏK! BİR OLAQ!“, deyə diaspor rəhbəri bildirib.

Marşın bəstəkarı Aygün Səmədzadədir.


Müəllif: Teleqraf.com