Müəllimlərin işə qəbulu imtahanlarında 30 dəqiqə əlavə vaxt veriləcək

Müəllimlərin işə qəbulu imtahanlarında ötən ilki imtahanı təhlil edərək və müraciətləri nəzərə alaraq, namizədlər üçün bütün fənlər üzrə əlavə 30 dəqiqə vaxt veriləcək.

Teleqraf.com xəbər verir ki, bunu Elm və təhsil naziri Emin Əmrullayev bu gün keçirilən brifinqdə deyib.

"Fizika, riyaziyyat, kimya kimi dəqiq fənlərdən əlavə vaxtın verilməsi daha yaxşı olar. Digər humanitar fənlərdə vaxt amilini ciddi hesab etmirik. Amma ümumi olaraq bütün fənlərdı imtahan müddəti 2 saat 30 dəqiqə olaraq müəyyən olunacaq. Suallar 2 balla hesablanan əsas hissə və 1 balla hesablanan metodiki hissədən ibarət olacaq", - nazir qeyd edib.