Güllələnən tələbə ilə bağlı ATU-dan – Açıqlama

"Təəssüf hissi ilə bildirirəm ki, bu gün Bakı Dövlət Sirki yaxınlığında baş verən hadisədə Azərbaycan Tibb Universitetinin Hərbi tibb fakültəsinin IV kurs tələbəsi Fəqan Rəhimli yaralanıb".

Teleqraf.com xəbər verir ki, bunu ATU-nun mətbuat katibi Günel Aslanova deyib.

"Adıçəkilən tələbə saat 8:30 və 10:30 dərslərində iştirak edib, cədvəl üzrə 12:00-da dərsləri bitdikdən sonra universitetdən çıxıb.

ATU rəhbərliyi adından tələbəmizə Allahdan şəfa diləyirik!", - o qeyd edib.

***

16:28

Bu gün Bakıda baş verən insident zamanı yaralanan 2002-ci il təvəllüdlü Fəqan Rəhimlinin Azərbaycan Tibb Universitetinin (ATU) tələbəsi olduğu barədə məlumat yayılıb.

Teleqraf.com xəbər verir ki, universitetdən məlumat təsdiqlənib.

Bildirilib ki, F.Rəhimli hərbi tibb fakültəsinin IV kurs tələbəsidir.