"Əlilliyi olan şəxslər cəmiyyətin ayrılmaz tərkib hissəsidir" – Ombudsman

"Bu konqresin keçirilməsi olduqca əhəmiyyətlidir. Əlilliyi müəyyən edilmiş şəxslər cəmiyyətin ayrılmaz tərkib hissəsidir".

Teleqraf.com xəbər verir ki, bunu Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevə Xüsusi qayğıya ehtiyacı olan insanlara həsr edilmiş 5-ci yubiley “Fərqli Fərdlər” Konqresinin açılış mərasimində deyib.

O bildirib ki, həmin kateqoriyalardan olanlar üçün bərabər imkanların yaradılması hər bir dövlətin inkişaf göstəricilərindəndir.

"Azərbaycanda Birinci vitse-prezident Mehriban Əliyevanın rəhbərliyi ilə yeni realibitasiya mərkəzlərinin yaradılması artıq davamlı xarakter alıb", - Ombudsman əlavə edib.

O xatırladıb ki, dünya əhalisinin təxminən bir faizi auitizmdən əziyyət çəkir:

"Biz əlilliyi olan uşaqların, o cümlədən autizmli uşaqların cəmiyyətimizin ayrılmaz tərkib hissəsinə çevrilməsini təmin etməliyik".

Ombudsman bildirib ki, xüsusi qayğıya ehtiyacı olan insanların və ailə üzvlərinin həyat keyfiyyətinin yaxşılaşdırılmasına hər kəs töhfə verməlidir:

"Bu çağırışıma dəstək verən hər kəsə təşəkkür edirəm".