“Hacı Şahinin müəmmalı ölümü və sonra...” - Zahid Orucdan şok açıqlama

“Fazil Mustafaya qarşı silahlı hücuma Milli Məclisdə hüquqi-siyasi verir, sifarişçiləri və təşkilatçıları ifşa edilən qəsdin məhz terror aktı olduğunu təsdiqləyir. Martın 2-si Hacı Şahinin müəmmalı ölümü, martın 4-ü hipermarketə hücum, martın 9-u Bakıda silahlı atışma və martın 28-i millət vəkilinə sui-qəsd vahid bir zəncirdə birləşir-terorun silahı nə olursa-olsun, pistolet, avtomat, yoxsa, bomba, onun əsas niyyəti xalqın üzərində dövlətdən üstün hakimiyyət qazanmaq, qorxu, xof və panika ilə ictimai təhlükəsizliyə zərbə vurmaq və bu yolla dövlət siyasətlərinə təsir göstərməkdir”.

Teleqraf.com xəbər verir ki, bu fikirləri Milli Məclisin İnsan hüquqları komitəsinin sədri Zahid Oruc parlamentin aprelin 4-də keçirilən plenar iclasında çıxışı zamanı deyib

"Prezident İlham Əliyevin və hörmətli Mehriban xanımın silahlı qəsdə qarşı verdikləri reaksiya 3 il əvvəl müharibə zamanı göstərdikləri iradə ilə eynidir, “bizimlə ultimatum diliylə danımaq mümkün deyil”, söyləyən ölkə rəhbərinin seçdiyi yoldan geri çəkilməyəcəyini göstərir. Teror aktı Azərbaycan dövlətinin sülh quruculuğu naminə həyata keçirdiyi siyasətə inamı sarsıtmaq məqsədi daşıyır. Fazil Mustafaya qarşı terrorun Ramazan ayında baş verməsi sifarişçilərin islama, etiqadlı insanlara, müsəlmanlara münasibətinin göstəricisidir. Əslində terrorçuların dini və milli mənsubiyyəti yoxdur, onların hədəfi təkcə dövlət, xalq və fərdlər deyil, həm də müqəddəs kitablardır", - o bildirib.

Zahid Orucun sözlərinə görə, son aktı törədənlər Danimarka və Niderlandda Quran kitabını yandıranlardan fərqlənmirlər: "Orucluq ayında iftardan çıxan inanclı bir adama qarşı terror aktı törədənlər Zori Balayanla, Yaxın Şərqdə din bayrağı altında edamlar həyata keçirən İŞİD-lə eyni səngərdədilər. Ona görə də silahlı dindarları, islam tarixində yüksək mərtəbə tutan İmam Hüseyn adına terror təşkilatı yaradanları həqiqi inanclı adamlar, bütün konfessiyaların təmsilçiləri pisləmədilər, terroru hamı lənətləməlidir. Bəli, İranın casus şəbəkəsi ifşa edilir, lakin Azərbaycan dövləti 100-lərlə vətəndaşımızı müxtəlif yollarla öz caynağına alan qüvvələrin şərindən qorumaq üçün qazandığı Qələbəni, əldə etdiyi hərbi strateji yüksəlkilkləri daha da möhkəmləndirəcək. Yəqin, ötən həftə, Azərbaycanın İsraildə səfilriyinin faəliyyətə başlamasına Hizbullah təşkilatının verdiyi reaksiyanı izlədiniz. Ölkəmizi radikal cihadçı və din bayraqlı hərbi təşkilatlarla toqquşdurmaq üçün Qərblə region dövlətləri arasında unikal bir müttəfiqlik var. Yenidən terror ola bilərmi sualına cavab odur ki, Azərbaycan heç bir dövlətlə süni gərginlik axtarmır və 3-cü qüvvələrin forpostu olmağa can atmır".

Deputat qeyd edib ki, vətəndaşlar terrora susqunluq göstərmir, millətimizin son 30 ildə yaşadığı terrora dirəniş refleksi oyanıb: "Lakin “hakimiyyət 90-cı illərdə küçələrə çıxmaq mümkün deyil şüarı ilə iqtidara gəlib, indi də eyni vəziyyətdir” söyləyənlər, hətta belə durumdan da siyasi mübarizə üçün istifadə edirlərsə, onların qəsdçilərdən heç bir fərqi yoxdur. Dini fanatizm və radkalizm, sədadil insanların casusluğa cəlb olunmasının günahı dövlətdə axtarıla bilməz. Heç bir sosial, hüquqi və siyasi səbəb öz millətinə qarşı düşmən cəbhəsinə keçməyə haqq vermir. Bəli, Vətən müharibəsindən sonra müəyyən sayda qənimət silahlar əllərə keçib. Lakin onların sayı minlərlə deyil. Biz terror şəbəkəsinin bütün üzvlərini, dövlətə və vətəndaşlara qarşı yeni təxribat və potensial təhlükələrin qarşısını almaq üçün təhlükəsizlik və hüquq müharfizə orqanlarının peşəkar tədbirlərini alqışlayırıq. Məhkəməsi hələ də bitməyən keçmiş MTN-çiləri on illər ərzində ölkəmizdə kök salan xarici agentura mərkzələrinin millətimizə qarşı apardıqları elan müharibəyə görə də əlavə maddələrlə suçlandırmasını vacib sayırıq. Vətəni, torpağı, səngəri və dini dəyələri qoruyanların avtomat, tank, top gülləsinə məruz qalsalar da öz əqidələrindən dönməmələri 44 günlük müharibədəki qəhrəmanlığın davamıdır. Fərq etməz səngər haradan keçir, Kəlbəcərdən, yoxsa, paytaxtdan. “Silahlı “dindar”ların həbsi İrana zərbə deyil, dövlətə inamı zəifələdən hadisədir”, deyən adamlar nə təklif edirlər, ölkəmizdə yaşıl inqilab edib müstəqillikdın imtinanımı istəyirlər. Insanların Allaha və peyğəmbərə inamını, etiqadını siyasi məqsədlərinə alət edən, onu silaha çevirən dövlət məqsədinə çata bilməz. Əlbəttə, biz yaxşı görürük ki, 30 il ərzində işğala hər cür maliyyə, siyasi, diplomatik, informasiya və hərbi dəstək verənlərin indi İrana qarşı apardıqları 40 il savaşda Azərbaycanı forposta çevirmək cəhdləri var. Lakin ölkəmiz heç vaxt 3-cü dövlətlərə qarşı əməliyyat Qərargahı olmayıb və Ermənistan kimi 3-cü dövlətlərin hərbi bazasını ərazisində yerləşdirməyib".

O vurğulayıb ki, dünyada hesabatlarının mötbərliyi şübhə doğurmayan İqtisadiyyat və Sülh institutunun Qlobal Terror İndeksinə görə Azərbaycan ən aşağı təhlükə riskləri olan ölkələr sırasında, yəni təxminən 100-cü yerdədir: "Halbuki, Əfqanıstan, İrak, Afrika ölkələri terrorçuluq tüğyan edir. Terror aktı hərbi meydanda ordumuza məğlub olanların paytaxt Bakıda və digər qeyri döyüş ərazilərində dövlətimizdən və xalqımızdan qisas almaq məqsədi güdsə də sui-qəsdlər və siyasi qətllər, iqtisadi diversiyalar və casus şəbəbkələrinin təxribatları ölkəmizi parlaq Qələbəsindən və yeni qazandığı ərazilərdə möhkəmlənməkdən, Xankəndi-Laçın yolundan və 10 noyabrda ordunun dayandığı mövqelərdən irəli gedərək qazandığı yeni strateji yüksəkliklərdən çəkindirə bilməz. Bəli, terror və ekstremizm elan edilməmiş müharibə olduğu üçün əsas sifarişçiləri, icraçıları, maliyyə mənbələri gizli cəbhədə savaşır, lakin Azərbaycan dövləti son 30 ildə terrora qarşı mütəşəkkillik məktəbi keçib, immunitet qazanıb və həyata keçirilən qəsdlərin arxasında dayanan paytaxtları və qüvvələri yaxşı görür, onları 44 günlük müharibədəki kimi öz ordu, dövlət və xalq birliyi ilə məğlub edib”.