Bundan öncə əldə şuba, ayaqqabı satırdılar, indi dərman satırlar – Deputat

Bundan öncə əldə şuba, ayaqqabı satırdılar, indi dərman satırlar.

Teleqraf.com xəbər verir ki, bunu Milli Məclisin bu gün keçirilən növbədənkənar sessiyasında deputat Etibar Əliyev deyib.

O qeyd edib ki, dərman indi əldə satırlar: "Axı, dərmanlar çox bahadır. Firmalar isə burada öz tariflərini qoyur. Taarif Şurası dərmanlara benzinin qiyməti kimi yanaşsa, onda vay bizim halımıza…”

Deputat bildirib ki, ötən günlərdə bir qohuma qığırdağının bərpası üçün özəl klinikaların birində iynə vurulmalı imiş: "Biz gözlədik, dərmanı firma gətirdi. Çünki o dərman apteklərdə satılmır. Qiyməti 350 manat idi. Bax indi ölkənin dərman sektorunun vəziyyəti bu cürdür”.