DİN vətəndaşlara müraciət etdi - Foto

Daxili İşlər Nazirliyi vətəndaşlara müraciət edib.

Teleqraf.com xəbər verir ki, çimərliklərdə istirahət edən valideynlərin azyaşlı övladlarını nəzarətsiz qoymaları halları müşahidə edilir.

Bu gün 42 uşağın paytaxt çimərliklərində itməsi ilə bağlı Daxili İşlər Nazirliyinə məlumatlar daxil olub.

Dərhal çimərliklərdə təhlükəsizlik tədbirlərinə cəlb edilən polis əməkdaşları məlumatlar üzrə əlaqələndirilməklə, həmin uşaqların tapılması təmin edilərək ailə üzvlərinə təhvil verilib.

Vətəndaşlardan xahiş edirik ki, övladlarını nəzarətsiz qoymasınlar.

Daxili İşlər Nazirıliyi tərəfindən respublikamızın bütün istirahət rayonları üzrə təhlükəsizlik və ictimai qaydanın effektiv qorunması məqsədilə xidmət təşkil edilib, xidmətə əlavə qüvvə çıxarılıb.

Hazırda bütün rayonlar üzrə xidmət davam etdirilir.