“SABIS® SUN”la “Azərsun Holdinq”in təcrübə proqramı uğurla yekunlaşıb

Şagirdlərinin yüksək nəzəri biliklərlə bərabər praktiki təcrübəyə də sahib olmasını təmin edən “SABIS® SUN” Beynəlxalq məktəbi növbəti layihəsini uğurla yekunlaşdırıb. “Azərsun Akademiyası” ilə birgə həyata keçirilmiş təcrübə proqramı uğurla yekunlaşıb. Layihəyə həsr olunmuş tədbirdə “Azərsun Holdinq” rəhbərliyi, əməkdaşları, təcrübədə iştirak edən şagirdlər, onların valideynləri və bir sıra qonaqlar iştirak edib.

Bu il təcrübə proqramına “SABIS® SUN” Beynəlxalq məktəbinin 22 şagirdi qatılmışdı. “Azərsun Holdinq” ilə “SABIS® SUN” Beynəlxalq məktəbi arasında imzalanan memoranduma əsasən şagirdlər şirkətlər qrupunun İT bölmələrinin idarə edilməsi, Marketinq baş direktorluğu, Keyfiyyət təminatı direktorluğu, “Dreamland Baku”, “İnnova Constraction&Contract” MMC, “Media Balans” MMC və Tədarük zənciri baş direktorluğunda təcrübəyə cəlb olunublar. İT–texniki dəstək, proqram təminatının inkişafı, laboratoriya, HR, Dizayn, Biznesin inkişafı, rəqəmsal marketinq və digər şöbələrdə təcrübə keçən 22 şagird 1 aylıq proqramın sonunda keçirilmiş tədbirdə sertifikat, tövsiyə məktubu və müxtəlif hədiyyələrlə təltif olunublar.

Qeyd edək ki, 1 ay davam edən təcrübə proqramında həftənin dörd günü şagirdlər öz seçdikləri bölmələrdə fəaliyyət göstərib, cümə günləri isə Azərsun Akademiyasında təşkil olunan təlimlərdə iştirak ediblər. Müxtəlif istiqamətlərdə keçirilən təlimlərin əsas hədəfi təcrübəçilərə müxtəlif sahələrə aid ilkin biliklərin verilməsi olub.
Təcrübə proqramının əsas məqsədi akademik dərəcəsi yüksək olan şagirdlərin real iş təcrübəsi ilə tanış olmağına şərait yaradaraq gələcəkdə onların arasından potensial işçilərin seçilməsi idi.

“SABIS® SUN” Beynəlxalq məktəbi şagirdlərinə həmçinin portfolio formalaşmasında da dəstək olur. Bu o deməkdir ki, şagirdlərin məzun olduqdan sonra US News, Forbes, Times Higher education və QS siyahısına görə dünyanın top 5 başda olmaqla, top 20 və top 50 universitetlərindən qəbul almaq imkanı yüksəlir.

Qeyd etmək istəyirik ki, “SABIS® SUN” Beynəlxalq məktəbinə qəbul proseduru davam edir.

Ətraflı məlumat üçün: +994 55 213 95 03, +994 55 212 20 28