Dövlət hesabına ali təhsil alan tələbələrin sayı 50 faizdən çoxdur - Əmrullayev

"Bu il dövlət hesabına ali təhsil alan tələbələrin sayı 50%-dən çoxdur".

Teleqraf.com xəbər verir ki, bunu Elm və təhsil naziri Emin Əmrullayev 2023-24-cü tədris ili üçün keçirilən brifinqdə deyib.

Nazirin sözlərinə görə, bu il ümumilikdə 67 mindən çox şəxs bakalavr və magistr səviyyəsində təhsil alacaq: "10 ali təhsil müəssisəsi üzrə akkreditasiya qiymətləndirilməsinin yeni tədris ilində keçirilməsi nəzərdə tutulur. Hazırda 5 ali məktəbi üzrə akkreditasiya prosesi bitib".