Avtoqəzada həlak olan hərbçi torpağa tapşırıldı - Yeniləndi

Çətin relyefli dağlıq ərazidə avtoqəzada həlak olan hərbçi Həsənov Elgün Elşad oğlu Bakıda dəfn olunub.

Teleqraf.com xəbər verir ki, o, Binə Şəhidlər Xiyabanında torpağa tapşırılıb.

Mərasimdə şəhidin yaxınları, rəsmi şəxslər, ictimaiyyət nümayəndələri iştirak ediblər.

***

11:05

Ötən gün Kəlbəcərdə çətin relyefli ərazidə yol qəzasında həlak olan hərbçi Elgün Həsənovun nəşi Bakının Binə qəsəbəsinə gətirilib.

Teleqraf.com xəbər verir ki, hazırda E.Həsənovun evində onunla vida mərasimi keçirilir.

Qeyd edək ki, hərbi nəqliyyat vasitəsinin qəzaya uğraması nəticəsində Azərbaycan Ordusunun hərbi qulluqçuları Taleh Saleh oğlu Əliyev, Elgün Elşad oğlu Həsənov və Nihad Kamrəddin oğlu Namazov həlak olublar.