Aida Eyvazlının “Zafer kokan şiirler” kitabı işıq üzü gördü - Foto

Aida Eyvazlının qəhrəman şəhid və qazilərimizin şeirlərindən ibarət tərtib etdiyi və redaktoru olduğu “Zafer kokan şiirler” kitabı Avrasiya Yazarlar Birliyi tərəfindən 1000 tirajla "Bengü yayınları" tərəfindən Türkiyədə işıq üzü görüb.

Teleqraf.com xəbər verir ki, 190 səhifəlik xatirə şeir kitabında 2016-cı il Aprel döyüşlərində və 2020-ci il II Qarabağ müharibəsində həlak olan 19 şəhidin, zəfər qazanan 16 qazinin və Aida Eyvazlının Vətənimiz, zəfərimiz haqqında düşüncə və şeirləri çap olunub.

Kitabın baş redaktoru Yakub Öməroğlu, tərcüməçisi isə gənc və istedadlı ədəbiyyatçı Atabey Barışdır.

Kitab Azərbaycanın Türkiyədəki Fövqəladə və Səlahiyyətli səfirliyinin dəstəyi ilə başa gəlib.

Bu Zəfərli, qələbəli payızda bizə zəfər gətirənlərin şeirləri türk oxucusuna, türkdilli xalqlara gözəl bir ərməğandır.