Şəhid Elməddin Xasayevin həyat yoldaşı vəfat etdi

Şəhid Elməddin Xasayevin həyat yoldaşı Azadə xanım vəfat edib.

Teleqraf.com xəbər verir ki, Elməddin Xasayev 2014-cü ildən hərbi sanitar vəzifəsində xidmət edib. Bir müddət Beyləqan rayonunda və Gəncə şəhərində yerləşən "N" saylı hərbi hissələrdə xidmət edəndən sonra o, Füzuli rayonunda yerləşən "N" saylı hərbi hissədə xidmətini davam edib.

Azərbaycan Ordusunun çavuşu olan Elməddin Xasayev 44 günlük Vətən müharibəsində, sentyabrın 27-də Füzuli döyüşləri zamanı Qaraxanbəyli istiqamətində gedən şiddətli döyüşlər zamanı şəhid olub.

Onun nəşi bir neçə ay sonra - 31.12.2020-ci il tarixində tapılaraq ailəsinə təhvil verilib.

Elmədin Xasayev ölümündən sonra "Vətən uğrunda" , "Şuşanın azad olunmasına görə", "İgidliyə görə" və "Füzulinin azad olunmasına görə" medalları ilə təltif edilib.

Xasayevlərin iki məktəbli övladı xalqımıza əmanət qalıb.

Allah rəhmət eləsin.