Bu seçkilər Azərbaycanın qarşısında yeni imkanlar açacaq

Haqsızlığa və terrora məruz qalan dövlətlər deyil bunu həyata keçirənlər haqlı çıxmağa çalışır.

Teleqraf.com xəbər verir ki, bunu Milli Məclisin bu gün keçirilən iclasında deputat Ceyhun Məmmədov deyib.

O bildirib ki, buna baxmayaraq Azərbaycan öz ərazi bütövlüyünü təmin etməklə bölgədə və dünyada yeni bir reallıq yaradıb: "Gələn il keçirilən prezident seçkiləri Azərbaycanın qarşısında yeni imkanlar açacaq. Qarşıdakı seçkidə də xalqımız öz liderinə sadiqliyini bir daha nümayiş etdirəcək".

Deputat Fəzail Ağamalı bildirib ki, 2018-ci ildə növbəti dəfə prezident seçilən İlham Əliyev Azərbaycan xalqının bütün ümidlərini doğrultdu.

O qeyd edib ki, 2024-cü ilin 7 fevral seçkiləri Azərbaycanın daha böyük uğurlara aparılmasına yeni imkanlar açacaq.

Fəzail Ağamalı söyləyib ki, Ana Vətən Partiyası seçkilərdə Prezident İlham Əliyevin namizədliyini dəstəkləyəcək.