Ölkədə müşahidə olunan faktiki hava açıqlandı

İyulun 30-u saat 11:00-a olan məlumata əsasən ölkə ərazisində müşahidə olunan yağıntılı hava şəraiti iyulun 29-u axşam saatlarından tədricən kəsilib. İyulun 30-da gecə və səhər əsasən yağmursuz keçib.

Bu barədə Teleqraf.com-a Milli Hidrometeorologiya Xidmətindən məlumat verilib.

Bildirilib ki, düşən yağıntının miqdarı Göygöldə 29 mm, Şəmkirdə 23 mm, Şəkidə 14 mm, Gəncədə 12 mm, Goranboyda 9 mm, Naftalan, Daşkəsən, Qax, Tərtər, Gədəbəy, Lerik, Cəfərxan, Oğuz, Qəbələ, Zaqatala, Tovuzda 7 mm, Bakıda və Abşeron yarımadasında 1 mm-dək olub.

İyulun 29-da şərq küləyi arabir sarı xəbərdarlığa uyğun olaraq Culfada 18 m/s-yə çatıb. Şəmkir, Daşkəsən, Göygöl, Göyçay, Qax, Lerik, Cəfərxanda duman müşahidə olub.

Havanın maksimal temperaturu Bakıda və Abşeron yarımadasında 30, Naxçıvan MR-da 32, Aran rayonlarında 30, dağlıq rayonlarda isə 18-22 dərəcə isti olub.