Bürclərə uyğun peşələr - Onlar hansı sahədə uğurludurlar?

Karyera seçimi, şübhəsiz ki, həyatımızı formalaşdıracaq ən kritik qərarlardan biridir. Karyera seçimlərində astrologiyadan istifadə təbii maraqlarınızı və istedad sahələrinizi həyata keçirmək baxımından vacibdir.

Teleqraf.com astroloji proqnoza görə bürclərin hansı sahələrə uyğun olduqlarını təqdim edir.

Qoç – Qoçlar liderlik etməyi sevirlər. Əmr almaqdansa, ipləri çəkən tərəf olmaq istəyir və bunun üçün mübarizə aparmaqdan çəkinmirlər. Darıxdırıcı iş onlar üçün deyil. Cəsarətli olmaları və risk ala bildiklər üçün onlara uyğun sahə sahibkarlıqdır.

Buğa – Maddi həyata önəm verən bürclərdəndir, ona görə də standart işlə kifayətlənmələri mümkün olmaya bilər. O, heç vaxt işi yarımçıq qoymur. Zərgərlik, heykəltaraşlıq, dizayn buğalara uyğun sahələrdir.

Əkizlər - Onlar yeniliklərə açıqdırlar və yenilikləri düşüncələrində əks etdirirlər. Danışmağı və yazmağı sevirlər, tez bir zamanda yeni bir dil öyrənmək qabiliyyətinə malikdirlər. Əkizlər üçün jurnalistika, siyasət, məsləhətçilik, redaktorluq, media-televiziya sahəsi uyğun ola bilər.

Xərçəng - Özlərini və ətraflarını qidalandıracaq, canlıların ehtiyaclarını ödəyəcək peşələr seçə bilərlər. Terapevt, ailə məsləhətçisi, sosial xidmətlər, assosiasiyalar və qeyri-hökumət təşkilatları kimi istiqamətlərdə işləmək şəfqətli və qoruyucu Xərçəng bürcünə uyğun gəlir.

Şir - Hər zaman özünə güvənən Şirlər hörmətə önəm verir və zirvədə olmaq istəyirlər. Riski sevirlər və məsul şəxslər olmağı üstün tuturlar. Onlar hər zaman göz önündə olmaq istədikləri üçün aktyorluq peşəsini də yaxşı bacararlar.

Qız - Mükəmməlliyi sevdikləri üçün diqqət tələb edən sahələr onlara adidir. İşlərinə ciddi yanaşırlar, sakitcə praktiki həllər tapa bilir və səbirli olurlar. Onların təhlil qabiliyyəti də çox uğurludur. Təhlükəsizlik və tədqiqatla bağlı peşələr onlara uyğundur. Ehtiyatlı və soyuqqanlı olduqları üçün iqtisadiyyat, jurnalistika və hüquqla əlaqəli peşələrdə uğur qazana bilirlər.

Tərəzi – Daha çox diplomatiyaya meyllidirlər. Tərəzilərin başqa bir xüsusiyyəti də çox yüksək estetik zövq və qavrayışa sahib olmalarıdır. Rəssamlığı, memarlığı yaxşı bacararlar.

Əqrəb – Əqrəb bürcünün nümayəndələri çox uğurlu tədqiqatçılar ola bilərlər. Emosional dayanıqlı olmağı və çətinliklərlə üzləşməyi bacarırlar. Əqrəblər üçün karyera təklifi hakimlik, prokurorluq, tarixçi kimi peşələrdir.

Oxatan – Oxatanlar yeniliklərə açıq və sərbəst insanlardırlar. Səyahət etməyi həyatlarının mənası kimi görən Oxatanlar turizm və otel idarəçiliyində və ya səyahət məsləhətçiliyində işləməkdən həzz alırlar. Öyrətməyə əsaslanan həyat fəlsəfəsi və bu mövzuda daimi motivasiyası Oxatanları peşəkar pedaqoqlara çevirə bilər.

Oğlaq - Çox çalışqan, intizamlı, karyera yönümlü və fədakar insanlardır. Təbii liderlik keyfiyyətlərinə sahib olmaq Oğlaqları biznes menecerləri olmağa sövq edə bilər. Analitik zəkaları ilə bankçılıq, investisiya məsləhətçiliyi və ya maliyyə sahəsində uğur qazana bilərlər.

Dolça – Onlar özlərini ən yaxşı şəkildə ifadə etmək fürsəti tapdıqları zaman işlərini görməkdən həzz ala bilərlər. Dolça bürcünə elm, sosiologiya, biologiya, fizika, riyaziyyat və psixologiya kimi sahələri tövsiyə edilir. Dolçanın azadlığını əngəlləmək onun iş səmərəliliyinə çox təsir edə bilər.

Balıqlar–Balıqlar gündəlik həyatlarında hər kəsə yardımçı olmaq istəyir və bu istəyini karyeralarına köçürə bilərlər. Onlar tibb, tibb bacısı kimi sağlamlıq sahələri seçsələr, faydalarından razı qalacaqlar. Balıqlar yaradıcılıq və təxəyyül genişliyindən maksimum istifadə edə bildikləri səbəbindən yazıçı, musiqiçi və ssenarist olmağı seçsələr, böyük uğur qazana bilərlər.