Paytaxtın bu ərazilərində qaz olmayacaq

“Ramana” ölçü qovşağından qidalanan orta təzyiqli qaz kəmərində aşkar olunmuş qaz sızmasının ləğv olunması məqsədi ilə 28.08.2024-cü il tarixdə saat 15:55-dən etibarən qaz təchizatı dayandırılıb.

Bu barədə Teleqraf.com-a “Azəriqaz” İB-dən bildirilib.

Qeyd olunub ki, təmir-bərpa işləri ilə əlaqədar Sabunçu rayonunun Ramana qəsəbəsinin, Yeni Ramana qəsəbəsinin D.Bünyadzadə, H.Z.Tağıyev, Deputat, Yeni Zaman küçələrinin tam olaraq, Sabunçu qəsəbəsinin bir hissəsinin və Suraxanı rayonu ərazisində Deputatiski küçəsinin bir hissəsinin qaz təchizatında müvəqqəti fasilə yaranıb.