Bu qədər şəxs seçkidə iştirak etdi - Yeniləndi

Azərbaycanda keçirilən növbədənkənar parlament seçkiləri üzrə səsvermədə ümumi seçici fəallığı açıqlanıb.

Teleqraf.com xəbər verir ki, bu barədə Mərkəzi Seçki Komissiyasının (MSK) Seçkilər İnformasiya Mərkəzində keçirilən mətbuat konfransında məlumat verilib.

MSK sədri Məzahir Pənahov qeyd edib ki, 19:00-da yekunlaşan səsvermədə həmin saata qədər 2 milyon 196 min 771 nəfər (37,27 faiz) səsvermə hüququndan istifadə edib. 5895 seçki məntəqəsi protokolları MSK-ya təqdim edib.

***

Azərbaycanda növbədənkənar parlament seçkilərinin saat 17:00-a olan seçici fəallığının neçə faiz olduğu açıqlanıb.

Teleqraf.com xəbər verir ki, bunu Mərkəzi Seçki Komissiyası Katibliyinin İnformasiya Mərkəzinin müdiri Fərid Orucov deyib.

O bildirib ki, növbədənkənar parlament seçkilərində respublika üzrə seçici fəallığı 33,82% faizi (2 milyon 172 min 87 nəfər) səsvermə hüququndan istifadə edib.

Onun sözlərinə görə, hesabat vermiş məntəqələrin sayı 6 478-dir.

***

15:46

Azərbaycanda növbədənkənar parlament seçkilərinin saat 15:00-a olan seçici fəallığının neçə faiz olduğu açıqlanıb.

Teleqraf.com xəbər verir ki, bunu Mərkəzi Seçki Komissiyası Katibliyinin İnformasiya Mərkəzinin müdiri Fərid Orucov deyib.

Fərid Orucov bildirib ki, indiyə qədər seçicilərin 29,49 faizi (1 milyon 893 min 555 nəfər) səsvermə hüququndan istifadə edib. Onun sözlərinə görə, hesabat vermiş məntəqələrin sayı 6 478-dir.

***

Azərbaycanda növbədənkənar parlament seçkilərinin saat 12:00-a olan seçici fəallığının neçə faiz olduğu açıqlanıb.

Teleqraf.com xəbər verir ki, bunu Mərkəzi Seçki Komissiyası Katibliyinin İnformasiya Mərkəzinin müdiri Fərid Orucov deyib.

İndiyədək seçicilərin 20,39 faizi (1 milyon 309 min 522) səsvermə hüququndan istifadə edib.

O bildirib ki, hesabat vermiş məntəqələrin sayı 6 478-dir.

***

10:48

Azərbaycanda keçirilən növbədənkənar parlament seçkiləri üzrə səsvermədə saat 10:00-a olan seçici fəallığı açıqlanıb.

Teleqraf.com xəbər verir ki, bu barədə MSK Katibliyinin İnformasiya Mərkəzinin müdiri Fərid Orucov MSK-nın Seçkilər İnformasiya Mərkəzində keçirdiyi mətbuat konfransında bildirib.

İndiyədək seçicilərin 9.92 faizi səsvermə hüququndan istifadə edib.