May ayının qeyri-iş günləri açıqlandı

May ayında Azərbaycanda bayram günlərinin tarixləri açıqlanıb.

Əmək və Əhalinin Sosial Müdafiəsi Nazirliyindən Teleqraf.com-a bildiriblər ki, gələn ay, 9 may Faşizm üzərində qələbə günü və 28 may - Respublika Günü qeyri-iş günləridir.

Lakin 9 may şənbə gününə düşdüyü üçün, Əmək Məcəlləsinə əsasən növbəti həftənin ilk iş günü istirahət günü hesab olunur.

Qeyd edək ki, Əmək Məcəlləsinə əsasən, bayramlar şənbə və bazar günlərinə düşərsə, növbəti həftənin ilk iş günü, 11 may istirahət günü hesab olunur.