Milli mətbuatın 140 illiyi ilə bağlı prezident sərəncam verəcək

“Azərbaycan milli mətbuatının 140 illik yubileyi ilə bağlı mühüm dövlət tədbirləri keçiriləcək”.

Teleqraf.com xəbər verir ki, bu barədə Azərbaycan Prezidentinin köməkçisi, Prezident Administrasiyasının İctimai-siyasi məsələlər şöbəsinin müdiri Əli Həsənov jurnalistlərə açıqlamasında deyib.

PA rəsmisi mətbuatın yubileyi ilə bağlı xüsusi sərəncam hazırlandığını qeyd edib.

“Hər il olduğu kimi bu il də Azərbaycan mətbuatının 140 illik yubileyinin təşkil olunması və keçirilməsi üçün Azərbaycan prezidentinin xüsusi sərəncamı hazırlanır. Bu sərəncamdan sonra tədbirlərin keçirilməsi ilə bağlı Prezidenti Administrasiyası rəhbərinin tədbirlər planı təsdiq olunacaq və lazımı işlər həyata keçiriləcək”, - deyə Əli Həsənov diqqətə çatdırıb.

Asif Nərimanlı