Çimərliklərimizi təmiz saxlayaq!

İDEA ideya verdi

IDEA İctimai Birliyi hər il çimərlik mövsümündən əvvəl və sonra Bakının sahilyanı ərazilərindən birində təmizlik aksiyası həyata keçirir. IDEA İB-dən Teleqraf.com-a verilən məlumata görə, təşkilat bu il də öz ənənəsinə sadiq qalaraq, “Təmiz Şəhər” ASC ilə birgə yeni təmizlik aksiyasının keçirilməsini elan edib.

Aksiya 30 may 2015-ci il tarixində baş tutacaq və iştirakçılar bütün sanitar normalara cavab verən ləvazimatlarla təchiz olunacaq: “Aksiyada iştirak etmək istəyən şəxslərdən öz ad və soyadını, eləcə də əlaqə nömrəsini 28 may tarixindən gec olmayaraq [email protected] elektron poçt ünvanına göndərmələri xahiş olunur”.

Qeyd edək ki, aksiya zamanı iştirakçılar nəqliyyat və qida ilə təmin olunacaqlar.

NİGAR