Builki məzunların sayı açıqlandı

Azərbaycanın ümumi təhsil müəssisələrinin məzunlarının builki sayı açıqlanıb.

Təhsil Nazirliyindən Teleqraf.com-a verilən məlumata görə, 2014-2015-ci tədris ilində ölkəmizin ümumi təhsil müəssisələrinin IX siniflərini 111 839, XI siniflərini 90 557 nəfər, qiyabi və axşam məktəblərinin XII siniflərini isə 820 nəfər şagird bitirəcək.

Xatırladaq ki, ötən tədris ilində respublikanın ümumi təhsil müəssisələrinin IX siniflərindən 118 206, XI siniflərindən 86 797, qiyabi və axşam məktəblərinin XII siniflərindən isə 754 şagird məzun olub.

Bütün məzunları təbrik edir, gələcək həyatlarında və təhsillərində uğurlar arzulayırıq.