Qazaxdan 303 məzun tələbə adını qazanıb

Bu il Qazax rayonunda tam orta məktəbləri 831 şagird bitirib. Məzunlardan 535-i müxtəlif ali məktəblərə sənəd verib.

Rayon təhsil şöbəsindən AZƏRTAC-a bildiriblər ki, ali məktəblərə sənəd verən məzunlardan 303 nəfəri tələbə adını qazanıb. Ali məktəbə daxil olanların 62-si 500-dən, 20-si isə 600-dən yuxarı bal toplayıb.

Qəbul imtahanlarında ən yüksək nəticəyə şəhər 1 nömrəli, 2 nömrəli, Daş Salahlı 2 nömrəli, Caylı 1 nömrəli və Aşağı Əksipara kənd tam orta məktəblərin məzunları nail olublar.