21 Sentyabr 2015 20:16
300

Milli Məclisə noyabrın 1-nə təyin edilmiş seçkilərlə əlaqədar genişmiqyaslı layihələr davam etdirilir. Bu barədə Mərkəzi Seçki Komissiyası Katibliyinin media və ictimai əlaqələr şöbəsindən məlumat verilib.

Məlumata görə, sentyabrın 21-dən etibarən Mərkəzi Seçki Komissiyası Daxili İşlər Nazirliyi ilə birgə polis əməkdaşlarının xidməti fəaliyyətinin daha da təkmilləşdirilməsinə həsr edilən seminar-müşavirələrə başlayıb. Milli Məclisə seçkilər prosesində və səsvermə günü ictimai qaydanın pozulması hallarının qarşısının alınması istiqamətində polisin xidməti fəaliyyətinin daha da təkmilləşdirilməsinə həsr edilən zona seminar-müşavirələrində dairə seçki komissiyalarının sədrləri və polis orqanları nümayəndələrinin iştirakı nəzərdə tutulub. Seminar-müşavirələrdə Mərkəzi Seçki Komissiyasının üzvləri, MSK Katibliyinin əməkdaşları və Daxili İşlər Nazirliyinin müvafiq qurumlarının nümayəndələrinin Milli Məclisə seçkilərin keçirilməsi və bu proseslərdə polisin rol və vəzifələri ilə bağlı müxtəlif mövzularda çıxışları dinləniləcək, təqdimatlar və müzakirələr aparılacaq.

Sentyabrın 21-dən start götürən seminar-müşavirələrin sentyabrın 30-dək davam etməsi nəzərdə tutulur.

Səxavət


Müəllif:
Загрузка...