Bakı Şəhər İcra Hakimiyyəti tabeliyində BakuBus MMC-yə mətbuat katibi təyin olunub.
Movqe.az-ın məlumatına görə, bu vəzifəyə Binəqədi Rayon İcra Hakimiyyətinin keçmiş İctimaiyyətlə əlaqələr şöbəsinin müdiri Nuridə Allahyarova təyinat alıb.
Xatırladaq ki, N.Allahyarova bu yaxınlarda Binəqədi Rayon İcra Hakimiyyətinin İctimaiyyətlə əlaqələr şöbəsi vəzifəsindən öz ərizəsi əsasında azad olunmuşdu.
N.Allahyarova Binəqədi Rayon İcra Hakimiyyətində çalışdığı müddətdə yerli icra orqanlarının mətbuat xidməti rəhbərləri arasında media ilə əlaqəsinə görə müsbət mənada seçilmişdi.