8 Dekabr 2015 19:21
456

Prezident yanında Strateji Araşdırmalar Mərkəzinin direktoru Fərhad Məmmədov BMT-nin Mərkəzi Asiya üçün Preventiv Diplomatiya üzrə Regional Mərkəzi tərəfindən dekabrın 9-10-da keçiriləcək “Xarici amillərin Mərkəzi Asiyada təhlükəsizlik və inkişaf məsələlərinə təsiri” adlı beynəlxalq seminarda iştirak və çıxış etmək üçün Bişkək şəhərinə (Qırğızıstan Respublikası) səfər edəcək.

SAM-dan verilən məlumata görə, tədbir Regional Mərkəz və Mərkəzi Asiya bölgəsində problemlər və təhdidlər məsələsi ilə məşğul olan ekspert ictimaiyyətinin strateji dialoqu çərçivəsində keçirilir.

F.Məmmədov “İslam Dövləti”nin və digər ekstremist qrupların fəaliyyətinin genişlənməsinin Mərkəzi Asiyanın sabitliyinə təsiri” mövzusunda olan paneldə çıxış edəcək. Seminarda xarici amillərin Mərkəzi Asiyada təhlükəsizlik və inkişaf məsələlərinə xüsusi diqqət ayrılacaq.

Tədbirdə Strateji Araşdırmalar İnstitutları, Mərkəzi Asiya ölkələri və digər ölkələrin dövlət qurumlarının, eləcə də regional təşkilatlar və müstəqil ekspertlərin iştirakı nəzərdə tutulub. Müzakirələrin nəticəsi olaraq iştirakçıların təqdimatları və yekun hesabat dərc olunacaq.

Səxavət


Müəllif: