AMEA-da ilin yekunları açıqlanır: Arxeoloji tədqiqatlar nə ilə yadda qaldı?

AMEA Arxeologiya və Etnoqrafiya İnstitutu Elmi Şurasının növbəti iclası keçirilib. İclasda İnstitutun 2015-ci ildə yerinə yetirdiyi elmi-tədqiqat və elmi-təşkilati işlərin hesabatı müzakirə edilib.

Teleqraf.com xəbər verir ki, institutunun elmi işlər üzrə direktor müavini Nəcəf Müseyibli 100 səhifədən çox tutumu olan “AMEA Arxeologiya və Etnoqrafiya İnstitutunun 2015-ci ildə yerinə yetirdiyi elmi-tədqiqat və elmi-təşkilati işlərin hesabatı”nın əsas məqamlarını qeyd edib.

Bildirib ki, il ərzində altısı beynəlxalq statuslu olmaqla 30-dan çox arxeoloji ekspedisiyalar müxtəlif bölgələrdə fəaliyyət göstərib, həmçinin, etnoqrafik tədqiqatlar aparılıb. 6 elmi problem və bu problemlər kontekstində 24 mövzu üzrə elmi araşdırmalar aparılıb. İnstitut əməkdaşları beynəlxalq elmi konfranslarda iştirak edib, ümumilikdə, 184 məqalə və tezis, 6 kitab, impakt – faktorlu beynəlxalq elmi jurnallarda 11 məqalə dərc edilib.

Daha sonra hesabat ətrafında müzakirələr aparıldı. İnstitutun Elmi Şurasının üzvləri və şöbə rəhbərləri illik hesabatla bağlı öz fikirlərini deyib, təkliflərini veribllər.

SEVİL