Bərdədə 200 yaşı olan palıd aşdı - VİDEO

Bərdədə təxminən 200 ilə yaxın yaşı olan nəhəng palıd ağacı aşıb.

Teleqraf.com-un xəbərinə görə, hadisə rayonun Qaradağlı kəndində qeydə alınıb. Həyətyanı sahədə yerləşən ağacın aşması vətəndaşa məxsus bəzi tikililərə ciddi ziyan vurub.

Kənd sakini İsax Süleymanovun həyətində olan və diametri 3 metrə çatan irigövdəli palıd ağacının əsən küləyə tab gətirmədiyi bildirilir. Ağacın aşmasına həm də onun köklərinin çürüməsi səbəb olub.

İsax Süleymanov deyib ki, indiyə qədər güclü küləklər olsa da, palıd ağacı bu küləklərə tab gətirib: "Bu dəfə elə də güclü külək əsmirdi. Hamımız evdəydik, çaqqıltı səsinə çölə çıxdıq. Gördük ki, ağac aşıb. Evə müəyyən qədər ziyan dəyib. Çardağın yarısı uçub. Bir də bulağın üstü dağılıb".

Xalid Salmanbəyli