Xaricdə təhsil proqramı ləğv edilibmi? – Nazirlikdən AÇIQLAMA

“Xaricdə təhsilin dayandırılması ilə bağlı fikirlər həqiqəti əks etdirmir. Sadəcə 2007-2015-ci illəri əhatə edən proqram başa çatıb”.

Teleqraf.com xəbər verir ki, bu sözləri Xaricdə təhsil və əcnəbi tələbələrlə iş sektorunun müdiri Nicat Musayev deyib.

O bildirib ki, proqram başa çatıb və bir il ərzində nəticələr təhlil ediləcək. Növbəti ildən yeni proqram hazırlanacaq. Yeni proqramda magistr və doktorantlara yer veriləcək. Bununla yanaşı əcnəbi professorların cəlbinə diqqət ayrılacaq.

N.Musayev bildirib ki, xaricdə təhsil alanların sayı tibb ixtisasında üstünlük təşkil edir: “Artıq xaricdə təhsil alan 1289 məzun hesabatlarını Təhsil Nazirliyinə təqdim edib.Onların 60%-i özəl, 40%-i isə dövlət işlərində çalışır”.

İlhamə