Narkotiklərlə bağlı əməliyyat: 4 tondan artıq narkotik aşkarlandı

Zərdab rayonunda narkotiklərlə bağlı əməliyyat keçirilib.

Teleqraf.com xəbər verir ki, Zərdab rayon polis şöbəsi əməkdaşları tərəfindən Bıçaqçı kəndi ərazisində yabanı halda bitmiş, ümumi çəkisi 4 ton 273 kiloqram olan 3787 ədəd çətənə kolu aşkar edilərək məhv edilib.

Bundan başqa, Sumqayıt şəhər Polis İdarəsi əməkdaşları tərəfindən şəhər ərazisində yabanı halda bitmiş 101 ədəd çətənə kolu aşkar edilərək məhv edilib.

Oxşar əməliyyat Saatlı rayonunda da keçirilib. Saatlı rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində rayonun Fətəlikənd kənd sakini, əvvəllər məhkum olunmuş Rizvan Söhbətovun həyətyanı sahəsindən kultivasiya yolu ilə yetişdirilmiş 20 ədəd çətənə kolu aşkar edilərək götürülüb. O, tutulub.

Hacı Zeynalov