Sabunçuda 12 evi qarət edən dəstə zərərsizləşdirildi

Bakının Sabunçu rayonunda oğurluq edən dəstə zərərsizləşdirilib.

Teleqraf.com xəbər verir ki, Sabunçu rayon Polis İdarəsinin 13-cü polis bölməsi əməkdaşları tərəfindən aparılmış əməliyyat tədbirləri nəticəsində oğurluq etməkdə şübhəli bilinən Əliyusif Fərəcov, Ruslan Hüseynov, Ələkbər Hüseynov, Əlvan Zeynalov və Orxan Zeynalov həbs edilib.

Onların ötən il fevralın 11-dən cari il aprelin 13-dək olan müddətdə daha 12 evdən pul, qızıl və məişət əşyaları oğurlamaları da müəyyən edilib.

Hacı Zeynalov