Üç rayonda əməliyyat: 7 ton narkotik vasitə aşkarlandı

Respublikanın ayrı-ayrı rayonlarında narkotiklərlə bağlı əməliyyat tədbirləri davam edir.

Teleqraf.com xəbər verir ki, Tovuz rayon polis şöbəsi əməkdaşları tərəfindən Dönük-Qırıqlı kəndi ərazisində narkotiklərlə bağlı əməliyyat keçirilib.

Əməliyyat tədbirləri nəticəsində ümumi çəkisi 630 kiloqram olan 4335 ədəd çətənə kolu aşkar olub. Daha bir əməliyyat Bərdə rayonunda keçirilib. Rayonun Lənbəran kəndi ərazisində ümumi çəkisi 1 ton 248 kiloqram olan 1749 ədəd çətənə kolu tapılıb.

Bundan başqa, Zaqatala rayon polis şöbəsi əməkdaşları tərəfindən Mazıx kəndi ərazisindən, ümumi çəkisi 5 ton 760 kiloqram olan 7200 ədəd yabanı halda bitmiş çətənə kollları aşkar olunaraq məhv edilib.

Hacı Zeynalov