Narkotiklərlə bağlı xüsusi əməliyyat: iki nəfər həbs edildi

Lənkəranda narkotiklərlə bağlı əməliyyat keçirilib.

Teleqraf.com xəbər verir ki, Lənkəran şəhər polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində şəhər sakini Rasim Dadaşova məxsus həyətyanı sahədən kultivasiya yolu ilə yetişdirilmiş 16 ədəd çətənə kolu aşkar edilərək götürülüb.

Daha bir əməliyyat Zaqatala rayonunda keçirilib. Polis əməkdaşları tərəfindən Aşağı Tala kəndi ərazisindən yabanı halda bitmiş, ümumi çəkisi 6 ton 300 kiloqram olan 7945 ədəd çətənə kolu aşkar edilərək məhv edilib.

Oxşar əməliyyat Sumqayıt şəhərində keçirilib. Sumqayıt şəhər Polis İdarəsinin 3-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş İlqar Heybətov həbs edilib.

İlqar Heybətovdan 0,26 qram, evinə baxış zamanı isə əlavə olaraq 520 qram heroin aşkar edilib.

Hacı Zeynalov