4 rayonda narkotik əməliyyatı: 7 ton narkotik aşkarlandı

Daxili işlər orqanı əməkdaşlarının narkotiklərlə bağlı əməliyyat tədbirləri davam edir.

Teleqraf.com xəbər verir ki, Xocalı rayon polis şöbəsi əməkdaşları tərəfindən Goranboy rayonunun Todan kəndi ərazisindən narkotiklərlə bağlı əməliyyat keçirilib.

Əməliyyat zamanı oradan ümumi çəkisi 4 ton 300 kiloqram olan 5846 ədəd çətənə kolu aşkar olunub. Daha bir əməliyyat Gədəbəy rayonunda keçirilib. Polis əməkdaşları tərəfindən Pərizamanlı kəndi ərazisindən ümumi çəkisi 830 kiloqram olan 983 ədəd çətənə kolu tapılıb.

Qazax rayon polis şöbəsi əməkdaşları tərəfindən Xanlıqlar kəndi ərazisindən əməliyyat keçirilib. Ümumi çəkisi 1 ton 695 kiloqram olan 7365 ədəd çətənə kolu aşkar olunub.

Oxşar əməliyyat Zaqatala rayonunda da keçirilib. Polis əməkdaşları tərəfindən Bəhmədli kəndi ərazisindən ümumi çəkisi 210 kiloqram olan 255 ədəd yabanı halda bitmiş çətənə kolları aşkar olunaraq məhv edilib.

Hacı Zeynalov