Paytaxtdakı parklardan birində bıçaqlanma hadisəsi

Bakının Xətai rayonunda bıçaqlanma hadisəsi baş verib.

Teleqraf.com xəbər verir ki, hadisə rayon ərazisində olan parklardan birində qeydə alınıb.

Bir neçə nəfər arasında yaranan mübahisə sonda dava ilə nəticələnib. Dava zamanı Bakı şəhər sakini Fəqan Rəşidov bıçaqlanıb.

Fəqan Rəşidov bıçaq xəsarəti ilə xəstəxanaya yerləşdirilib. Vaxtında tibbi yardım göstərildiyi üçün onun həyatını xilas etmək mümkün olub.

Xətai rayon Polis İdarəsinin 37-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törədən şəxslər müəyyən edilib.

Bunlar Bakı şəhər sakinləri Anar Qafarov və Pərvin Əliyevdir. Hər iki şəxs polis əməkdaşları tərəfindən tutulublar.

Hacı Zeynalov